إستمر إستمر هو حد هيشتغلك يعني لو وقفت!!!

 

 

جئتني في ضي القمر..


لأجدل ضفيرة في شعرك

لم أجدله وأخذت بأوراق الشجر..


وكتبت بها أحبك حب لم يره بشر..


وأعطيتك مرآة فنظرتي 


ثم رحلتي باسمة الثغر..


فلا نلت أنت ضفائرك


ولا نلت أنا من حبك قدر..

سأفوز وربي معي..

يوم تركتني ياصديقي كنت أعتقد أنني في بداية الطريق لنهايتي

لم أعرف كيف سأتأقلم علي غيابك عني

كنت كالغريقة

ولكن ربي وحده الذي يعلم

الذي ماأغرقني 

إلا لأنه أوجد من ينقذني

من يأخذ قلبي المحطم ويصونه

ما كنت أعلم وقت رحيلك أنني سأضحك من جديد يوما ما

ماكنت أعلم أن بقاءك كان سيجعل مني أضحوكة فاشلة

ماكنت أعلم أن رحيلك أجري في كلماتي الموهبة من جديد

ماكتبت في حبك يوما قط

ولكني اليوم أكتب ألف مرة ومرة

في يوم رحيلك وألمه

في فرحتي بغيرك

في حمدي لربي علي رحيلك

في حزني الذي يصحو عندما أتذكرك

في نجاحاتي التي أصل لها بسبب تحديَ لك

صديقي علي قدر ماأحببتك يوما وحزنت عليك

وعلي قدر ما قررت يوما أن أنساك

اليوم أقرر أنني لن أنساك 

سأبقي في وجهك لأثبت لك أنني علي قدر التحدي

إلي اللقاء أيتها العلاقة البريئة

الصافية التي يحملها القلب

التي كنت فيها صديقي

وأهلا بك أيتها العلاقة الجافة

التي لن تكون فيها إلا إنسان وضعني في تحدي

وسأفوزه مادام معي ربي

لما بهيس بقول !! اشخاص غير مرغوبين

كثيرا ما ارتبك حين اكتشف أن أشخاص ما لا أريد أن يعرفوا عني الكثير 

متواجدين معي في نفس المكان

أو

يعلمون حساباتي علي الإنترنت

أو

يأتون باستمرار إلي كليتي

أو

يتابعون أخباري

ليس لعيب فيّ..

ولكن لمرض عقولهم

نعم؛ لقد تعرضت لهم من قبل كثيرا

هؤلاء الذين يتصيدون أخطاءك

لا أنكر أنني أخاف منهم كثيرا

ولكن من يبالي..

أجد خوفي تبدد في لحظات وعدت كما كنت

أفعل ما أريد وكيفما أريد دون مبالاة

إذا لم الخوف من البداية ؟؟

لا أدري

مستنياك حبيبي :)

أنا إيه ال جرالي

مبقتش بنام بالليالي




مستنياك حبيبي

تحس بية وانت ولا داري انك ع بالي



حس بية ولو لمرة

هفضل ع طول انا ليك

عارفة انك ف يوم هتيجي

وهتعوض كل صبري بيك



هتكونلي زوج صالح

وتكونلي القلب والمعين




علي نفسي وع المعصيه

وهرضي ربي ال اكرمني بيك



بحبك قبل ماشوفك يامرادي في الحياة

ويافارس كل حلم

انا شوفته ف المنام



بجد نفسي أشوفك ولو مرة

وأصلي وراك ولو ركعة

وبعدها أروح لل وهبك ليه

واموت وانا بشكره انه حقق حلمي



ف اني اموت بين ايديك

بتآسي ولا بتجتهد؟؟

همممممممم كلنا بنآسي ف الدنيا دي لألأ مسمهاش بنآسي اسمها بنجتهد 

آه أقولك انا أول ماتولدت كنت بتجتهد عشان تعرف تعيط كويس عشان تقول ماما إنك جعاااااان أو عندك مغص أو ... :d

كبرت شوية كنت بتجاهد عشان تعرف تمشي وتروح لماما ف المطخ عشان تقولها ماما افتحيلي الزون ( التليفزيون يعني)

شوية تاني وبتجتهد عشان تتحايل ع بابا عشان يجيبلك العربية دي والعروسة دي

وشوية كمان لقيتك بتجتهد عشان تحاول تفهم اشمعنا يعني 3X2بتساوي 6 ( لانه بالنسبة ليك الضرب مكنش مقنع خالص)

وأخيرا لقيتك عاوز تخلص الدراسات وتواريخها الرخمة ليلة الامتحان

ثم الأحياء أو الرياضة وكل مواد ثانوي المعقربة

ثم إلي الكلية سواء كنت من أرباب الصف الأول أو أصحاب التقدير الشعبي

وشغل وجواز وعيال ياااااااااه دنيا كبيرة جدا كلها اجتهاد

عمرك أخدت بالك إنك ف تحدي مستمر إنت مسميه ديما هم :@ وحاجة تقرف وعيشة تقصر العمر؟؟

مفيش حاجة إسمها تقصر العمر إزاي يعني هتموت قبل أوانك مثلا؟؟؟؟

حاجة تقرف ليه متعتبرهاش تحدي ؟؟ 

ليه متحطش نفسك ف التحدي ومتخليش الدنيا تغلبك؟؟

هتقولي إنتي بتقولي كلام بحماس الشباب وخلاص وإنتي مش حاسة اما تكبري شوية هتعرفي الهم بحق

 ماشي منا عارفة انه لما هكبر هتحط ف تحديات أكبر ماهو مينفعش يعني يفضل همي الوحيد لحد ماموت واجب العربي يعني!!

بس الاختلاف إنك هتواجه ولا لأ

هتحط نفسك ف مكانها ال تستحقه ولا لأ

ليه متفرحش أما تقرأ الجرنان كله ف ساعتين؟؟مش ده نجاح بالنسبة لك؟؟ بالنسبة لي أنا نجاح لأني مش عارفة بتقروه ازاي اصلا

ليه متفرحش أما تقدم ورق المنحة ف وقته ليه بتحمل هم هيتقبل ولا لا؟؟ ماتعيش اللحظة مش إنت قدمته ياسبحان الله ماهو كان ممكن تحصل أي حاجة ومتقدموش

ليه متفرحش عشان خرجت شوية مع الناس ال مشفتهمش من زمان وتفضل قافل وشك طول الخروجة أصلك لازم تروح تنام عشان الكلية بكرة !! ياسيدي أخرج ساعة بنفس وروح قبل معادك

لل مش بيصلي ليه متفرحش اوي أوي أوي إن ربنا هداك وصليت الفرض ده  ف الجامع؟؟؟ وتحتفل وتكافئ نفسك وتستمر

ال بيعمل ذنب ليه متفرحش بنفسك أما تبطل الذنب ده ولو ليوم واحد بس ؟؟

ال جاية دي لطلبة طب بما أني منهم ليه بتشتم الكلية خمسمية مرة ف اليوم مش دي ال كنت هتموت وتدخلها ولو مكنتش دخلتها كنت هتموت بهارت أتاك؟؟؟؟

هممممممم ليه متفرحش إن إبنك طلع الأول ف الاعدادية وتبقا شايل هم ثانوي ياسيدي عيش اللحظة

وغيره أكيد أمثال كتير أنا معرفهاش أصلي 18 سنة وبس بقول بحماس الشباب :))

لأ بجد

الحياة فقط اجتهاد وتحدي مش هم وقرف ربنا مخلقناش عشان نتقرف ربنا خلقنا عشان نعمل في هدوء وسكينة مش عشان تشيل هم الكون كله ع دماغك لوحدك معايا؟؟

تعال إلي أحلامي وأقم مادمت لن تكن في واقعي

حاكمني بالعدل في قضيه حبي لك ارجوك!!

الوداع للأبد..

لقد خسرتني للأبد أنا آسفة ياصديقي

ولكن علي قدر ما أحببتك سابقا وأهنت كرامتي لأجلك أجدني الآن أراجع نفسي مليون مرة قبل أن أكلمك

حقا أحببتك واحترمتك 

ولكن آسفة ياسيدي

آسفة 

ليست الصداقة هي إهانتي فكرامتي من كرامتك 

أنا حزينه القلب لفراقك 

ودامعة العينين لأجلك

وأنت لا تشعر أنا أعلم هذا جيدا أنت لا تشعر منذ متي وأنت تشعر بي؟؟

ولكن..

سيأتي اليوم الذي تحدثني فيه لتطلب الصفح ولن تجد مني إلا ماتجده الآن أتعرف ماذا ؟؟

كل مايثبت أنني لم أعد أبالي بك ستجده أمامك

ولو كان هذا يحرق قلبي فليحترق قلبي

ولتبق كرامتي

إن كان زوال حبك عني يحرقني

فلاحترق ياسيدي فلأحترق

بقدر ماأحببتك أخفتني منك

وبقدر ما أحببتك أبعدتني أنت عنك 

وبقدر ماكنت أفرح للقائك بقدر ماكرهت هذا اللقاء الآن

أنا لم أعد أنا

وأنت من غيرني حقا 

لا أعرف كيف!!

ولكن..

دوما كانو يقولون لي أنتي لا تتغيرين 

فشكرا لك

شكرا

لأنك غيرتني كثيرا

شكرا ياسيدي الفاضل 

أود الرحيل الآن لأن لدي من ينتظرون حبي وهم أحق به منك

الوداع للأبد!!

ال بتسمعه ودنك بيسرب علي قلبك فمتدخلش أي حاجة
لقلبك وزي ماقالو زمان الطريق الي قلب الرجل معدته أنا بقول الطريق لقلب الواحد ودنه!!

مين هياخدني ليك ؟؟

مش عارفة ايه اللي حصلي

وسط المعاصي حسيت بحنين ليك..

عاوزة اسيب الناس كلها واجري عليك..

اقولك يارب غلطت مين هياخدني ليك من غير ماتمدلي ايديك؟؟..

سامحني يارب وعينّي علي نفسي 

نفسي أجيلك بس طريقي طويل

بحن أوي لسهرة سجود بين إيديك..

لصفحة قرآن أقراها ف خلوتي بيك..

ف لا اله الا الله من قلبي طالعة بإحساسي

تعدي سبع سماوات ولعندك عرشك تجيك..

يامالك الملك طهر قلبي

وعزتك الخير فيه كتير

بس الدنيا زاهية وأنا ضعيفة

منا إنسانة مين هياخدني ليك من غير ماتمدلي ايديك؟؟ 

بحن أوي أما ألاقيه قدام عيني ومش بسلم عليه بعيوني ال ياما سلمو عليه بقو ديما بيبكو عليه:((

ويشاء القدر أن يصنع من آلامي نسيجا يتحرك أمام عيني ذهابا إيابا ليترك داخل قلبي في كل جيئة وخزة تبكيني سنة من عمري

تصور لمراحل صدمة!!

  كلنا ذاك الرجل ال بيمر بالصدمه ويفضل يبكي أيام وأيام من حبيب أو صديق ويبقا متهيأله إنه مش هينسي الشخص ده لكن بصراحة وأنا بكتب النهارده نويت أقولكو مراحل الصدمة ال عيشتها أنا مع ناس وعيشتها في تجارب شخصية وآخرها كان من قريب يعني 

المهم نبدأ

 

المرحلة الأولي تصرفات مبهمة مجهولة إنت مش فاهم هو ليه بيعمل كدة وإنت معملتلوش حاجة وتقعد تأنب ف نفسك أكيد انا عملت حاجة زعلته وتحمل نفسك غلط معملتوش.

 

المرحلة التانية تبدأ تزعل وتستني بس إنه يكلمك كلمه تدل إنه مش زعلان ولما ميكلمكش ندخل ف المرحلة ال بعدها

 

المرحلة التالتة تبدأ إنت ال تسأله وتقوله مالك في إيه أنا زعلتك ف حاجه وتبينله أوي إنك باقي عليه وهو ولا يعبرك وتلاقي كرامتك بتوجعك اوووووووي ومع ذلك بردو مستمر علي أمل إنه هيرجعلك تاني عادي
 

المرحلة الرابعة  تبعد وإنت بتتوجع أوي وتفضل حزين وأما تشوفه أو تسمع صوته أو تسمع سيرته أو أي حاجة تفكرك بيه تحزن اووووووي وقلبك يوجعك وتبقا مخنوووووووووق

 

المرحلة الخامسة تبدأ تطلع فيه القطط الفطسانة وتبقا محتار إنت لسه بتعز الشخص ده ولا لأ وأوقات تلاقيك بتكرهه وأوقات تحنله أوي مع استمرار شعور الحزن لو شفته أحيانا.

 

المرحلة الأخيرة إنه يبقا عادي جدا بالنسبه لك إنك تشوفه لكن الحزن بيبقا علي خفيف أما تفتكر أي ذكريات ليكو مع بعض

متفقين معايا ولا حد عنده رأي تاني؟؟؟؟

كبريائي

أحدثه فيعشقني..

ويسقط في محرابي 

ويقول لي أحبك فيضحكني..

وبكبرياء أقول له تعال فيأتي مهرولا تحت عرشي

ويجلس ويظل ليلا نهارا يبكي

حينها أرأف بحاله وأقول تعال للحلبة وسابق عشاقي

ولنري من منكم أولا سيصلني..

ويجروا ويجروا ويجروا وما أحد منهم وصلني..

ولن يصلني إلا من يستحقني..

وهل جاء أم مازال خارج حلبتي 

لا أدري ..........

أنتظره وحينها سأتنازل له عن عرشي

ويكفيني أنه سيظل ملك مملكتي...

((الـــــــحب هـــــــو جــــــنون يــــــــساعدك عـــــــلى الإصــــــــابة بـــــــه، إنــــــسان عــــــــزيز عـــــــــليك!

لــ أنــــــــــيس مـــــــــــنصور))



  قالك إيه عزيز عليك مش لازم الحب هو الحب الحب يعني ممكن يكون حب صداقة أو أخوه او احترام أو قدوه أو حب وبس ياراجل سبحان الله هو حد لاقي حد يحبه حب حب عشان يتبطر ع أي حب تاني

  ممكن ولد أو بنت ممكن بابا أو أخوك أو أختك ربنا يهديك عليها أو يهديكي عليه وتحبها أو تحبيه أي حدد شخص عزيز عليك قال شخص عزييييز عليك

  وخدها مني إياك تستهتر بمشاعر أي حد هترجع تندم عليه بعد كدة فهمتو الدرس بتاع النهاردة؟؟ 

                                                                                                    دمتم بقلوب سليمه :)