مين هياخدني ليك ؟؟

مش عارفة ايه اللي حصلي

وسط المعاصي حسيت بحنين ليك..

عاوزة اسيب الناس كلها واجري عليك..

اقولك يارب غلطت مين هياخدني ليك من غير ماتمدلي ايديك؟؟..

سامحني يارب وعينّي علي نفسي 

نفسي أجيلك بس طريقي طويل

بحن أوي لسهرة سجود بين إيديك..

لصفحة قرآن أقراها ف خلوتي بيك..

ف لا اله الا الله من قلبي طالعة بإحساسي

تعدي سبع سماوات ولعندك عرشك تجيك..

يامالك الملك طهر قلبي

وعزتك الخير فيه كتير

بس الدنيا زاهية وأنا ضعيفة

منا إنسانة مين هياخدني ليك من غير ماتمدلي ايديك؟؟