كفاية نميمة !!

حد يقولي ال بيحصل دة صح ولا غلط !!

يعني كل بنت تقف مع ولد يبقا في حاجة بينهم

كل بنت ولد يبقا عارف اسمها تبقا ازاي سكتتله ع الجريمة دي !!

كل بنت تبقا هي عارفة اسم ولد تبقا عرفته منيييييييين افهم انت بقا

كل بنت تيجي سيرة ولد قدامها وتتكلم عنه بالخير تبقا احم احم

ايه القرف ال احنا عايشين فيه دة

حد يقولي ايه كمية سوء الظن دي !!

علي اساس حضرتك يابرنسيسة يال جايبة سيرتها الخضرة الشريفة ؟؟

دة انتي بكلامك عنها ألعن منها ونرجع نقول يالهوي قالو علية طب ماهم قالو عليكي م ال بتقوليه ع الناس!!!

غلط الغلطة دي ف سنة م السنين وسكت وقعدت مع ناس مبيبطلوش كلام ع الخلق!! وبصراحة جتلي رسالة من ربنا بعدها خلتني اتأدبت وبطلت

بطلو نميمة وبطلو سوء ظن وسيبو الناس ف حالها

والله لو كل واحد خلاه ف حاله هنلاقي حالنا اتعدل لوحده وكل حاجة اتظبطت بجد ارجووووووكو سيبو الناس ف حالها

يمكن مجربتيش ان حد يتكلم عليكي بالغلط بس بجد شعور مرير اتقي الله قبل ماتجربيه شوفت بنات بكو بالدم عشان كدة واسوا شعور ف الدنيا انك تحسي انك مظلومة

 ربنا يعافيني ويعافيكي ويعافي كل البنات من سوء الظن والنميمة