حبيبي سامعني ؟

بسسسسست انت أيوا انت يال اسمك حبيبي ازيك عامل ايه؟؟ وحشتني اوي

ياتري بتفكر فية دلوقتي ؟؟ ياتري مستنيني زي منا مستنياك كدة؟؟

طب لو سمحت خد بالك من نفسك بئة في واحدة هنا هتموت لو انت جرالك حاجة

واسمعني لو سمحت

صلي كل الصلوات ف معادها اوعي تسيب فرض امال ربنا يجمعنا ازاي بسرعة؟

ادعيله كتير وقوله يارب حسن اخلاقها يارب عشان خاطري انا عارفة ان ربنا بيحبك عشان كدة هيستجيب دعاءك

شد حيلك ف مذاكرتك أو شغلك كويس امال انا عاوزاك تبقا حاجة كبييييييييييرة أوي عشان بابا يقولي يابنت دة مفيش منه اتنين

وعاوزة كمان أولادنا بعد كدة يقولو يااااااه بابا دة عظيم ياريتني أبقا نصه ^_^

اقرا قرآن آه والله بيريح القلوب 

ملكش دعوة بالبنات انا بقولك اهو :@:@ البنات معارفهم مبتجيبش غير المشاكل وبعدين يعني لازم تراعي ان في واحدة هنا بتغير عليك يابيه

كل ماتروح فرح واحد صاحبك أقرصه ف ركبته عشان ربنا يعجل لؤانا بقا اشمعنا انا بهري ركبة البنات يعني ولا انا مش وحشاك ولا ايه

متنساش تحوش عشان تجيبلي دبلة حلوة مش عاوزاها دهب عاوزاها ان شالله حديد بس لازم لازم تكون زي بتعتك واهم حاجة تكون عليها اسمي واسمك وتاريخ ميلادي التاني اليوم ال هقابلك فيه <3

خد بالك من نفسك والبس تقيل احسن الايام دي شتا وبرد خالص انا عاوزاك متعياش الله امال هتسند انا علي حيطة مايلة ولا ايه 

ربنا يخليك لية ويجمعنا بسرعة :):)

مستنياك