أنا مبسوطة احترس :D

أما بكون مبسوطة بقرأ تخاريف مبسوط بتاعت عمرو سلامة

بدخل علي الفيس وأرفع صورة تفطس م الضحك واهيس انا واصحابي عليها

بجري ورا إياد أخويا ف البيت

برخم علي أحمد أخويا وأطلع أجري منه واستخبا ورا ماما وأغيظه أما ماما تقوله بس عنها  :D

بقعد أنا وفنة نفتكر ذكرياتنا واحنا صغيرين ونضحك :D

أقعد أغير ف المنتدي بتاع أنس وأعمله بمزاجي :P

أشغل أغنية swayبتاعت مارتن دين :))

أتصل بيويو أغلس عليها أوي :))

أركب جنب الشباك وافتحه واطلع إيدي برة :))

أكتب علي المراية بالأقلام الفلومستر :))

أجيب رواية من روايات ماوراء الطبيعة ال قريتها واقراها تاني واترعب وافطس م الضحك ع حبيبي رفعت اسماعيل♥♥

:))  

بلبس اكبر جيبة عندي وانزل الشارع امد جدااااااا لدرجة اني بيبقا بيني وبين الجري نص سم :))

بجيب خوخة الدبدوبة واحميها هئ هئ هئ هئ

بنفض للمذاكرة :D

بعمل ف شعري حبشتاكنات

بخرج أنا والعيال اصحابي

بقعد علي سلم الكلية :D

بشتري 3 لتر بيبسي واشربهم لوحدي 

بعزم نفسي عند 23 يوليو 

بخرج ع النيل وأقعد أرغي معاه:)

بسمع فيلم إنيمي :))

بقعد ف الأرض وارسم ^^

بطبخ :))

بطفي نور الأودة وأقعد أعيييييييش ف أحلام اليقظة ومتسألش ايه هي :D

بجيب 3 شيبسي بنص جنيه بدل كيس واحد بجنيه ونص :))

بشرب خروب مع إني مبحبوش

بغير نظام كل حاجة

مبنمش ~_~

بفتح الشات بتاع الفيس :))

مش بلبس النضارة :D

بطلع أقعد ف البلكونة ف وش الهوا

لو حد ضايقني او نرفزني رد الفعل بتاع الغمازات بيبقا أسرع من ال 111 

بقعد أرغي ف التليفون عكس العادي يعني:D

بفضي الدولاب وارتبه تاني :))

بعمل اختراعات مكياجية كأني واخدة دكتوراة ف الميكب :))

بتفرج علي صور زهور كيوت♥♥

بغسل وشي عشرة خمستاشر مرة :))

بقرا كلام روماااااااانسي

بدخل ع اليوتيوب:D

بتفرج علي صوري أنا واصحابي ال أنا بلقطها إذ فجأة واضحك 

كفاية كدة عليكو بقا ^_^