بلاطة وبلاطة ماشية بتحنجل

أقع وأقف تاني وأكمل..

مرة وسط العربيات امشي

ومرة ع الرصيف أجري..

ألاقي قط صغير ألاعبه

أو حزين أقف اساعده..

أو اركن أنا ع جنب أبكي

حد فارقني وكان ف يوم جنبي..

أو ارتمي ف حضن حد

من غير مايكون في بينا حد..

أودع ناس بالدموع

وأكمل مع غيرهم ف الربوع..

مرة أحب ومرة أتحب

ومرة يجمعنا الحب ف القلب..

أزعل من ناس ضايقوني

من غير أي ذنب..

وأمسك إيدين اتمددلي

ف وقت ما كنت بتهد..

مرة أضحك بجنون

ومرة تبكي العيون..

لكن ف النهاية ماشية

بلاطة وبلاطة بتحنجل ^_^