بقلب ف كشكول من كشاكيل السنة ال فاتت لقيت الكلام دة :)
******************************************
أوقات كدة بتحس إنك عاوز تعمل حاجات كتير دلوقتي
وتلاقي دماغك شغالة زي المكوك
بتفكر ف الاحلام بتاعتك ال بتخترعها ف ساعتها
وتكتشف ف اللحظة دي إن عندك مليون حلم كنت ناسيهم
بتبقا مفتح عيونك بس مش شايف
ومنشكح كدة بس مش واخد بالك :D
تحس إن قلبك طاير
وانت عمال تشوف نفسك بتتجوز ال بتحبها
وعندك شركتين تلاتة
وانت طالع ف التيليفزيون رائد العمل الخيري ف الوطن العربي ,
وانت ماسك ايد ابنك وقاعد تبحلق فيه تشوف لون عنيه زيك ولا زي مامته O.O ,
ولا حتي عندك بلاك بيري صنع في مصر
وانت ف باريس بتتكلم عن انجازاتك العظيمة في مجال الفضاء وازاي بذكاء عرفت
تنظم 5 رحلات للقمر خلال فترة قصيرة لأطفال المدارس بتكلفة متين جنيه بس
:D
أو وانت عندك جنينة ملياااااااااانة شجر يوسفي , وانت ف صورة
جميلة مع اولادك وبنتك بتبوسك ف خدك بكل براءة أو وانت بتشرب مراتك من مية
زمزم بإيدك ♥
وانت بتفتتح المؤتمر الأول لمناقشة قضية انسحاب العراق من أميريكا لأن الاحتلال ليس من مبادئ ديننا
:) من أرشيفي
ليست هناك تعليقات:
إرسال تعليق