سلامو عليكو
حصل موقف من شوية خلاني أفكر ف نفسنة البنات
سبحان الله مشاعر النفسنة ف البنات فطرة
!!
والحاسة التمنتاشر ال بتخليها متطيقش بنت غلبانة معدية من جنبها ف الشارع لله ف لله كدة بتكون نفاذة جدا وبتخليها واخدة وضع ستاند باي وهي بتتعامل معاها لو صدفت واتقابلو تاني
!!
وسبحان الله مع كل دة متلاقيش اتنين اصحاب ولاد بيقولو لبعض حبيبي وقلبي ولو قابلو بعض كل يوم ياخدو بعض بالحضن كل يوم!! بالعكس هذه الظاهرة المستفزة جدا موجودة ف البنات فقط
بل وأوقات البنت من دول تسيب صاحبتها مسافة السكة تروح تبعتلها ع الفيس وحشتيني
!!
آه أوقات فعلا بيقولولنا الولاد اجدع م البنات ف الصحوبية وكدة بس والله ياأخي عن تجربة شوفت ولاد هم الغدر نفسه متجسد في شكل بشري
!!
ممممممممم يمكن البنات طبعهم ف انهم يخبو ويدارو دة لان كل واحدة فيهم عاوزة تشوف نفسها أحسن من الباقيين ودي فطرة زي ماقلنا وهي في وجهة نظر البنت الحل الوحيد لكبت مشاعر النفسنة انها تحس انها احسن واحدة ف الدنيا ....
لكن الندالة اعتقد يعني نادرة شوية وساعتها بتبقا شخصية حقيرة جدا
حتي في قصص الحب عمرنا ماسمعنا عن بنت ندلت مع واد وسابته وقالتله مش هعرفك تاني أصلي كنت بتسلي معاك أو ممكن أقول قليلة او نادرة وبتبقا بنت دماغها شيطانية
مش عارفة يمكن أكون جاية ف صف البنات لأني بنت بس ال اقدر أقوله ف كل من الجنسين أكيد في الحلو وفي الوحش
اقعدو بالعافية
هناك تعليقان (2):
س والله ياأخي عن تجربة شوفت ولاد هم الغدر نفسه متجسد في شكل بشري
هى السيئة تعم طيب
لا طبعا متعمش انا ضد فكرة التعميم دي بس يعني شوفتها
إرسال تعليق