كنت ف الكنيسه بصلي
وجنبي ابويا وامي
كل ال بفكر فيه العيد
...
هيكون ازاي وفين
واصحابي وازاي نفسح اخواتنا الصغيرين
والشجره ال ف صاله بيتنا هتنور ف ليله الواحد وتلاتين
وخرجنا ويارتنا ما خرجنا
محستش بعدها الا بالدمار
ومسمعتش الا صوت الانين
وبكا امهات مكلومين
وشباب جرحي ومتصابين
وابن عمي قدامي مات
يرضي مين
لو انتو عاوزيني اغضب هغضب
بس مش ع المسلمين
احنا دي بلدنا
احنا مصريين
وربنا ال هيرد ع الظالم
وينصف المظلومين
الاء علاء الدين
مع كل المواساه ومشاعر الحزن والالم لاخواتنا ال ماتو ومتصابين مسيحيين قبل مسلمين:
ليست هناك تعليقات:
إرسال تعليق