أنا
هتكلم بالراحة بس بصراحة كل الكبار شايفينا كدة زي الراجل ال ف الصورة دة
شوية عيال شريرة محدش عارف يلمها شوية عيال مبتركعهاش وعنيدة وعاوزة كل
حاجة ع الجاهز شوية عيال مش عايزة شرع ربنا عشان نفضل ماشيين علي حالنا
هو الكلام الظاهر صح بس هل ممكن بقا حد يسمعني ويقولي كلامي صح ولا غلط ؟
يعني ايه شريعة ؟
كلنا هنقول دين ربنا
طيب هو في حد ضد دين ربنا ؟
الشباب كلهم مش عاوزين شريعة
مين قالك؟
هم بيقولو مش عاوزين حكم إسلامي
طيب مين هيحكم حكم اسلامي ؟
أكيد الناس ال فاهمين دين ربنا
طيب مين ال فاهمين دين ربنا؟
المشايخ
وهم المشايخ هيحكمو؟
لا بس في ناس تبعهم يعني هيحكمو
طيب والناس ال تبعهم دول فاهمين دين ربنا كويس؟
مش أوي يعني بس اهم بيحبو ربنا
ما كلنا بنحب ربنا ي والدي بس الاشكالية ال هيحكم بدين ربنا هيحكم ازاي
****آدي أول نقطة
تاني نقطة بقا
أما أبقا أنا وفلانة وفلان ف الكلية وف الشارع في ناس بيدعو انتمائهم لتيارات دينية معينة يقفلوها ف وشي
بلاش ي اختي اللون الفلاني
بلاش تلبسي خاتم عشان ملفت
السواد هو الشريعة وماغير ذلك حرام
يا اخي مش ملتحي ليييييييه يعني عاجبك شكلك كدة
لابس بنطلون طويل ليه قصره شوية
لابسة شراب بيج ليه المفروض اسود
هتقولي مش كلهم طب منا عارفة جداااااا ان مش كل الناس كدة لاني مش واحدة متبرجة يعني وبيتقالي كدة يبقا الغلبانة ال ربنا لسة مهداهاش هتخاف ولا لا؟
هتقولي هي ال غلطانة م تلبس عدل
سبحان الله ذنب ندعيها ليه بالخير مش بالعافية ومش هقول دي حرية شخصية انا هقول دة حكم ربنا وربنا هو ال يحاسب عليه مش احنا احنا ننصح بالحسني مش ع الملا الامام الشافعي كان قال (من وعظ أخاه سراً فقد نصحه.. ومن وعظه علانية فقد فضحه )
وال انت بتطلب منه يلتحي دة بيصلي اصلا ولا لا ي ناس في حاجات هتيجي بالتدريج مش دة اصل الدين ومش دة لب الدين وترجع تقولي بردو ليه الشباب مش عاوزين الشريعة ؟؟
النقطة التالتة
بس عشان تبقو فاهمين عمر م حد يقدر يرفض الشريعة او الدين او الانضباط كلنا بنعمل ذنوب وكلنا بنتمني ربنا يهدينا وكلنا مرينا ولو بلحظة ندم ومش معني اننا لسة ع معصية نبقا وحشين يعني بس الرفض للناس ال هتطبق مش عشان كلهم وحشين بردو للمرة المليون عشان في ناس ممثلين كتير ليهم وحشين
أنا علي وعي وعارفة مين الوحش ومين الحلو بس ال مش علي وعي وال مش عارف وال مش بيقابل غير المعقدين قولي يغير فكرته ازاي؟
مش الرفض للدين ومش الرفض عشان نفضل كليات مختلطة عشان كل واحد يبقا ع مزاجه ومش الرفض عشان الديسكوهات تفضل موجودة الرفض عشان كل واحد فينا جواه حتة ( أنا ) وانت بشر زيك زيي ازاي وازاي ترفع نفسك فوقي وتعين نفسك اله تاني
كلنا اكيد ربنا رزقنا بالشخص الرخم الحشري ال مصر انك تصلي سنة العشا عشان جيت الجامع ! انت مالك انا وربنا دي صلاتي مش هتفرض علية ال ربنا مفرضوش
يبقا حلو نفسية (أنا) وخلو الناس تخف عن بعضها ويبطلو يفضحو بعض بس وينصحو بما يرضي الله وهاتو ناس كويسة اصلا تطبق شريعة وبعدين لو حد نطق تاني وقال مش عاوزين شريعة ومش عاوزين دين يبقا انا هقيم عليه الحد :D
يارب اكون عرفت افهمكو ال داير ف بالي
ومش عاوزة خناق انا مهاجمتش
وكلامي مش عموم كلامي ع فئات معينة
ومحدش ياخد كلام ع نفسه بردو
واقعدو بالعافية :)
هو الكلام الظاهر صح بس هل ممكن بقا حد يسمعني ويقولي كلامي صح ولا غلط ؟
يعني ايه شريعة ؟
كلنا هنقول دين ربنا
طيب هو في حد ضد دين ربنا ؟
الشباب كلهم مش عاوزين شريعة
مين قالك؟
هم بيقولو مش عاوزين حكم إسلامي
طيب مين هيحكم حكم اسلامي ؟
أكيد الناس ال فاهمين دين ربنا
طيب مين ال فاهمين دين ربنا؟
المشايخ
وهم المشايخ هيحكمو؟
لا بس في ناس تبعهم يعني هيحكمو
طيب والناس ال تبعهم دول فاهمين دين ربنا كويس؟
مش أوي يعني بس اهم بيحبو ربنا
ما كلنا بنحب ربنا ي والدي بس الاشكالية ال هيحكم بدين ربنا هيحكم ازاي
****آدي أول نقطة
تاني نقطة بقا
أما أبقا أنا وفلانة وفلان ف الكلية وف الشارع في ناس بيدعو انتمائهم لتيارات دينية معينة يقفلوها ف وشي
بلاش ي اختي اللون الفلاني
بلاش تلبسي خاتم عشان ملفت
السواد هو الشريعة وماغير ذلك حرام
يا اخي مش ملتحي ليييييييه يعني عاجبك شكلك كدة
لابس بنطلون طويل ليه قصره شوية
لابسة شراب بيج ليه المفروض اسود
هتقولي مش كلهم طب منا عارفة جداااااا ان مش كل الناس كدة لاني مش واحدة متبرجة يعني وبيتقالي كدة يبقا الغلبانة ال ربنا لسة مهداهاش هتخاف ولا لا؟
هتقولي هي ال غلطانة م تلبس عدل
سبحان الله ذنب ندعيها ليه بالخير مش بالعافية ومش هقول دي حرية شخصية انا هقول دة حكم ربنا وربنا هو ال يحاسب عليه مش احنا احنا ننصح بالحسني مش ع الملا الامام الشافعي كان قال (من وعظ أخاه سراً فقد نصحه.. ومن وعظه علانية فقد فضحه )
وال انت بتطلب منه يلتحي دة بيصلي اصلا ولا لا ي ناس في حاجات هتيجي بالتدريج مش دة اصل الدين ومش دة لب الدين وترجع تقولي بردو ليه الشباب مش عاوزين الشريعة ؟؟
النقطة التالتة
بس عشان تبقو فاهمين عمر م حد يقدر يرفض الشريعة او الدين او الانضباط كلنا بنعمل ذنوب وكلنا بنتمني ربنا يهدينا وكلنا مرينا ولو بلحظة ندم ومش معني اننا لسة ع معصية نبقا وحشين يعني بس الرفض للناس ال هتطبق مش عشان كلهم وحشين بردو للمرة المليون عشان في ناس ممثلين كتير ليهم وحشين
أنا علي وعي وعارفة مين الوحش ومين الحلو بس ال مش علي وعي وال مش عارف وال مش بيقابل غير المعقدين قولي يغير فكرته ازاي؟
مش الرفض للدين ومش الرفض عشان نفضل كليات مختلطة عشان كل واحد يبقا ع مزاجه ومش الرفض عشان الديسكوهات تفضل موجودة الرفض عشان كل واحد فينا جواه حتة ( أنا ) وانت بشر زيك زيي ازاي وازاي ترفع نفسك فوقي وتعين نفسك اله تاني
كلنا اكيد ربنا رزقنا بالشخص الرخم الحشري ال مصر انك تصلي سنة العشا عشان جيت الجامع ! انت مالك انا وربنا دي صلاتي مش هتفرض علية ال ربنا مفرضوش
يبقا حلو نفسية (أنا) وخلو الناس تخف عن بعضها ويبطلو يفضحو بعض بس وينصحو بما يرضي الله وهاتو ناس كويسة اصلا تطبق شريعة وبعدين لو حد نطق تاني وقال مش عاوزين شريعة ومش عاوزين دين يبقا انا هقيم عليه الحد :D
يارب اكون عرفت افهمكو ال داير ف بالي
ومش عاوزة خناق انا مهاجمتش
وكلامي مش عموم كلامي ع فئات معينة
ومحدش ياخد كلام ع نفسه بردو
واقعدو بالعافية :)
هناك تعليق واحد:
Kalam Mawzoon
إرسال تعليق