متواجدين ومشرفيني ^_^

شرفتوني وآنستوني :)




رجاء خاص لمن يقتبس أن يقوم بكتابة اسمي تحت الاقتباس

آلاء علاء الدين

:)

A'laa's bookshelf: read

الآن نفتح الصندوق
The Secret


A'laa's favorite books »
}

09 ديسمبر، 2011

عقول خاوية علي عروشها!!

سلامو عليكو

قعدت مع نفسي اشوفني واشوف غالبيه الشعب الغلبان بيفكر ف ايه بصراحة استحقرتني أوي بس طبعا مستحقرتش الشعب :D

سبحان الله عقول خاوية علي عروشها !!

لا استثني نفسي لكنها ثقافة مجتمع !!

نص المواقع العربية فيها اعلانات لحاجات مش موجودة زي الشامبو ال بيخلي الشعر طوله 6 متر ف نص ساعة والكريم ال بيفتح ف جقيقتين ... طبعا غير الاخبار الغريبة ادخل هنا وشوف صدام قبل مايموت بدقيقتين شوف المشعوذة ال اتحولت لخنزير شوف واحدة بتتعذب أما نعور بنتها او اكتشاف مخلوقات غريبة علي شاطئ الكاريبي !!!!



الجامعات بتاعتنا ايه؟؟؟ كافيتريا ولمة وأصحاب وحفلات لا أكثر ولا أقل وال بيدخل المحاضرات بيدخل غصب عنه وال مبيدخلش يقولك مبفهمش ماهو الدكتور واقف يقرأ كلمتين وخلاص أكنه بيذاكر لنفسه !!


التليفزيون كل المسلسلات بتعيد نفس القصة البت ال اتجوزت عرفي وأخوها بيشرب مخدرات وكان مصاحب بنت وسابها وأما اخته اتجوزت عرفي راح هو فاق وضميره صحي وقال البت التانيه انا هتجوزك عشان ميطلعش ف أخواتي :D

او الواد المكافح ال دخل الجامعة لقي ابن الأغنيا ال عقده ف عيشته فتاجر ف المخدرات وانحرف عشان يبقا غني اصله زهق من كتير الفقر
ولمشكلة إني في رايي الشخصي مش شايفة ان هي دي أصل مشاكل المجتمع بصراحة!!


نيجي بقا للنت ال كلنا بنضيع الوقت عليه بنثور ونشتم ونهزأ والخبر ينتشر بسرعة البرق يااما نهيس ونضحك طول الوقت وأهو مضيعة وقت وخلاص بدل الملل ال الواحد عايش فيه !!


ايه تاني؟؟ همممممم نقول حواراتنا المفيدة اختفت والمفيد بقا كله سياسة بعد الثورة !! مفيش نقاش بين أب وابنه عن طموح أو حلم أو اي حاجة


لييييييه نخلي الغالبية فينا كدة؟؟؟
نبدأنملأ العقول بالخير لأن نفسك إن لم تشغلها بالخير شغلتك بالمعصية !! ربنا يقويني وإياكم علي رضاه

واقعدو بالعافية

ليست هناك تعليقات: