متواجدين ومشرفيني ^_^

شرفتوني وآنستوني :)




رجاء خاص لمن يقتبس أن يقوم بكتابة اسمي تحت الاقتباس

آلاء علاء الدين

:)

A'laa's bookshelf: read

الآن نفتح الصندوق
The Secret


A'laa's favorite books »
}

08 سبتمبر، 2011

كنت صغير ولا اتولدت كبير؟

كنت صغيرة وكنت بحلم

كنت بلعب كورة ومش فارق معايا إني بنت

كل همي إني اشوطها عالي تعدي لفوق فوق السلك

وأما تطلع وترجعلي أضحك وأضحك كأنها معاها وهي

نازلة جبتلي حلم

كنت بالليل أنام بسرعة 

ولو سهرت أفكر ليه الشمس مبتعملش زيطة 

ديما وهي م الشرق طالعة

كنت بشوف بابا أطول راجل ف العالم

وماما هي ال ف الدنيا دي بتفهم

كان شعري ورايا بيطير

لعله يحصلني

وأنا فاردة جناحي وبتخيل نفسي طير

العمارات كانت أبراج

بالنسبة لطولي

والشوارع ميادين

محل عمو أحمد مصدر الشمعدان

ومنتهي الحلم إني ألاقي ف الباكو مكسب كبير

وأضحك ع جيهان ف دنيا الأطفال

واستناها يوم التلات من بكير

أترعب من ميس نجوي أما أنسي الواجب

وأفرح أما أتكرم عشان حفظت قرآن كتير

أمسك إيد بابا وأمشي 

لا أجري منا خطوتي مش محصلة خطوته

عشان هو كبير

وأما جدو ييجي ويزغزغني

وأجري منه ومن ورا الحيط أبصله واضحك بخباثة

لاني ضحكت عليه وهو أكبر من بابا الكبير

الطفولة عايشة جوايا ولو فضلت أكبر

ولو عشت سعيد صغير

هتفضل فرحان بعد ما تبقا كبير 

^__________^


ليست هناك تعليقات: