أكيد مفيش غير البنات ال هتفهم ال أنا هقوله ده
***************************************
طنط تيك أواي لما تشرف بتكون لابسة ال ع الحبل بتاعهم وبتاع الجيران وعاملة زي البلياتشو ماهو لا مؤاخذه إزاي بنت صاحبتها ال هي البنوته بنت 18 سنة ال المفترض بتكون انتي تبقا أحلي منها ميصحش
طنط تيك اواي أول ماتدخل تستلمك بالنظرات والاستحقارات ولا كأنك ياأوختي بنت من أولاد الشوارع
طنط تيك اواي طول ماهي قاعدة عمالة تبصلك وتضحك ضحكتها المعروفة هيهيهيهيهيهيهيهيهي كبرتي وبقيتي عرووووووووسة عندي ابن اختي شغال سباك أد الدنيا وادي صورته اهي
طنط تيك اواي طول ماهي قاعدة شغالة لمامتك تخنتي وانتي خاسة احلي أو خسيتي وانتي تخينة أحلي شيلي الفازة دي مش ماشية مع لون فردة الشراب ال لابسها الراجل ال في التليفزيون
طنط تيك اواي ديما بتطلع الاختلافات بينك وبين مامتك انتي اقصر ولا اسمر ولا عينيكي علي موف شوية :))
طنط تيك اواي بتحب تضرب حقن الاسفين بين مامتك واخوكي وتقولها ده أنا شوفت كيمو ف الشارع ومسلمش علية
طنط تيك اواي بتعشق النم علي خلق الله والرغي حتي لو انتي بتقولي بس نو كومنت :D
مامتك المسكينة ديما تدبسك ف إنك تقابلي طنط تيك اواي وانتي تبقي صاحية من النوم وشعرك منكوش :D
طنط تيك اواي بتخليكي شغالة مربية لعيالها ف الفترة ال بتقعد فيها ف البيت عندكو
طنط تيك اواي لازم تشرب بيبسي أحمر من غير صودا أصل المرارة بتاعتها بتوجعها لما بتتفرج ع المسلسل وهي بتشرب ليمون بمبي
هناك 3 تعليقات:
ههههههههههههه أيوه عارفاها طنط تيك أوى دى بس والله بتبقى قعدتها عثل
النوع ده من الطنطاطات بيض
هي قعدتها بتبقا حلوة بس تشل :))
بيض جمع بيضة ولا بيض قلبهم ابيض؟
إرسال تعليق