فتحت ورقه البسكوت
لقيت حاجه عجيبه
دبانه ونمله بيتخانقوا!!
والنمله تنادي وتقول
ابعدي خرطومك عنها
دي حته بسكوت جميله
مش انتي ال يستاهلها
مشيتلها مسافات كبيره
هتفيدني ف شتا طويله..
والدبانه ترد يامسكينه
لالا ابعدي عنها انتي
انا بطير وبتعذب
وف كل حته بضرب
وبعدين دي حلوه ليه
عشان خاطري بلاش انانيه..
النمله ترد وتقول
لا شوفيلك حته تاني
انتي بتطيري وانا بمشي ف مكاني
يعني انتي اسرع
مين فينا بقا ال اناني..
الدبانه قالت
يانمله انا منبوذه
محدش بيسيبني ف حالي
الكل بيضايقني
ومحدش بيه داري
انتي عندك بيت و اكل كتير
وانا عايشه من غير اكل
ومليش بيت
عايشه بطير..
جايه تقاسميني ف حته بسكوت
كانت هتسد بالكوته جوعي؟؟!!
قالت النمله بتكبر
حته بسكوته هتزود ثروتي
وتخليناف امان انا وعيلتي
اما انتي كده كده فقيره
ولو اخدتيها هتشبعي
بس هتفضلي فقيره!!
فسبيهالي افيدلي وافيدلك
واوعدك هنشاركلك بيها
ف مشروعات تزود اكلك
بدل مانتي بتدخلي البيوت..
فكرت الدبانه وقالت خديها
ربنا يكرمك زيديها..
واوعي تنسيني ف الارباح
لعلي اعوض ال راح..
مشت النمله وغابت
وجتني الدبانه تشتكي
النمله اخدت بسكوت الدبان
واغتنت النمله كمان وكمان
وهربت من جحرها الغلبان!!
ومحدش عارفلها مكان
وانها لسه جعانه
وماعاد في بسكوت فاضل
وياعيني ماتت من الجوع
كان ايه بايديها يعني
الفقير ملوش مكان..
ربنا خلقنا سواء
لكن عشناها نمل ودبان!!!
ليست هناك تعليقات:
إرسال تعليق