احبك يافتاي!!

هذا الحنين غير المسبوق داخل قلبي لكي اراك ماسببه؟؟

هل تحولت انا من مجرد صديقة لك إلي عاشقة تختلق الفرص لكي تتحدث معك؟؟

هل وقعت في فخ الحب لاخر انسان توقعت أن أحبه يوما ما؟؟

لا ادري حقا لا ادري ياح.... حقا ياصديقي لا استطيع ان انطق بها ولكن قلبي ينطق بها الا تعرف سببا لشوقي؟

الا تستطيع ان تخبرني لم يدق قلبي عند سماع اسمك؟؟

لم اتلهف هكذا لرؤيتك؟؟

اعلم اني مجنونه ولكني انثي تريد ان تحب انسانا صادقا ومادمت انت صديق اذا انت صادق لذا احببتك

ولا تسالني انت من فعل بي هذا

حنانك عطفك خوفك لهفتك كل هذا لا اراه الا من حبيبي فقط وانت هو حب... لا استطيع ياصديقي  لا استطيع 

ولكن اسمع هذه صرخات قلبي المسكين انا احبك...

انظر الي نافذتي ليلا ستجدني احادث القمر باسمك اليس هذا من عادات المحبين؟؟

انظر الي دفاتري ستجد في كل صفحه من صورتك الا تزال علي غير يقين

فتاي انا احبك 

صديقي احبك

فاحببني ارجوك احببني فانا احبك احبك

لا تروج!!

لا تروج اشاعات من فضلك الجيش المصري محترم ويعمل في صمت لذا ارجوك لا تساعد من يريدون التشهير بثورتنا وافسادها ارجوك لا تقل الا ما شاهدته فقط ولا تستمع الي الذين لا يعلمون من اجل مصر قامت الثوره ومن اجل مصر سنغير ومن اجل مصر سنعمل مع الجيش في صمت ومن اجل مصر لن نسمح لاحد بافساد ما بداناه معا :)

يامتهور ياعنيد!!!

   في بدايه الثوره المصريه (ثوره شباب الفيس بوك) يوم 25 يناير كان مايقال عنهم انهم (شويه عيال) سيعتدي عليهم الامن ويفرقهم وتنتهي القصه..


   فوجئنا بكم مهول من العند المتوطن في رءوس هؤلاء الشباب الذين يتناولون 2 مشكله مع الوالدين يوميا (علي الريق) وكم من الاصرار لو كان وجد مكانه الصحيح لكان اعاد حضاره الفراعنه التي نتباهي بها من سبعه الاف عام في سبعه ايام!!!


   يوم جمعه الغضب تغير راي الجميع الي الخوف من احتداد الامن عليهم وكان كل تفكير الجميع انهم شباب طائش لا يعرف مصلحته!!!


   بمرور الوقت بدا الجميع يعترف بهؤلاء الشباب وبقدرتهم علي الصمود وانه كثره المواجهات هذه تزيد من عندهم واصرارهم علي بلوغ مرآهم الحقيقي وهو سقوط السلطه ورحيل الطغاه


   بعدها بدات تتطور الفكره من مجرد اعتراف الي اعجاب حقيقي بحسن التخطيط والتنظيم من شباب كانوا مصدر انقلاب في المنزل بسبب الاستيقاظ متاخرا وكل يوم صباحا يمكنك سماع نفس الاسطوانه من اي اب او ام داخل اي منزل يمكنك اختياره عشوائيا  (يابني حرام عليك دماغك هتخرب)..(يابنتي حسي بالبيت شويه طول النهار نايمه)..(يااولاد بطلو قلبان اليوم ده ربنا خلقكو عدل بتقلبوها ليييييه).......الخ الخ من هذه الجمل التي اصبحت انا واحده من مدمنيها :) حتي اصيبت امي بالياس من ان استيقظ مبكرا كباقي الناس الطبيعيين الذين تتراوح اعمارهم مابين 30 (ولن ابالغ واقول 40) والمائه عام لان حال كل الشباب هذه الايام او معظمهم (الانقلاب)
 وراي الجميع ان هؤلاء الشباب  قادرين علي قلب نظام الدوله كما هم قادرين علي قلب نظام البيت

    ايضا هذا الاعجاب كان بوعي هؤلاء الشباب وادراكهم وثقافتهم العاليه بعد ان كانو يتهمون بالتفاهه وان التعليم فسد وافسد الشباب فاصبح كل منهم لا يعرف سوي ورقتين يقراهم قبل الامتحان بساعات لكي يحصل علي تقدير مقبول (بالعافيه) ويمر دون رسوب.انا اوافقكم علي هذا لكن من الواضح انه هناك مصادر اخري للثقافه غير التعليم..

   ايضا علم الاباء الان ان جلوس الابن او الابنه علي النت اقصد( (الزفت) كما هو اسمه علي السنه جميع الكبار لدرجه انني اعتقد انه يوما ما ساذهب لاشتري كومبيوتر لاجد ان اسمه تغير الي زفت!!) لم يكن بدون داعي طوال الوقت ولكنه كان عز التخطيط للتغيير الحقيقي الذي يعمل الجميع من اجله منذ ثلاثين عاما ولم يستطيعوا الوصول الي ربعه

مما سبق نستنتج انه يجب علي الجميع احترام الجميع حتي لو كانوا صغارا لان الصغار هم من قاموا بما لم يستطع الكبار فعله!!!

مشاهد قبل وبعد الثوره!!

المشاهد دي واقعيه وحصلت مع ناس قريبين مني اكيد في كتير كل يوم بنشوفه بس ده ال جه علي بالي يارب كلنا نتغير

المشهدالاول واحد من الباعه ينظف امام محله لاحظو موقف الشاب::

                                       قبل

الشاب** صباح الخير ياعم ...
        **صباح النور
الشاب**بتعمل ايه
        **بكنس زي منت شايف
الشاب**ياسيدي نفض هو شارع ابونا!!!!

                                       بعد
الشاب**يا....انت مش نازل معانا النهارده؟؟
        **ليه ؟؟ هنلعب كوره
الشاب**لا رايحين الشارع الرئيسي نلم الزباله ال فيه مشوفتش منظره
         **لا مكنتش اعرف ياسيدي سيبك
الشاب**ايه مش بلدك ال بتصرف عليك دي بطلو سلبيه بقا!!!!!!

                                           ((الانتماء))

المشهد الثاني::
موظفين ف مكتب حكومي وعميل داخل انتقي احدهم

                                                قبل

العميل::معلش ممكن تطلعلنا الرخصه دي
الموظف::ايه ال تحت الورق ده
العميل::دي حاجه بس عشانك هات حاجه حلوه للعيال وانت مروح
الموظف::ماشي يابيه ربنا يكرمك

                                                 بعد::::
العميل::الرخصه دي لو سمحت بس ياريت متتعطلش مشيها وحياه والدك

الموظف::انا مش بقبل رشاوي يافندم هتستني دورك زي الناس انا موافق غير كده شوف مكتب تاني

              (( الضمير))
المشهد التالت

                                    قبل

 شرطي ف الشارع معدي بالبوكس وقدامه سيده

الشرطي::ماتوعي ياست انتي خلينا نروح نجيب عيال البيه من المدرسه
السيده::حاضر حاضر وبينها وبين نفسها ياكش تصبح البلد بكره من غير شرطه

                بعد

السيده دي بتقولي اخيرا مش هيشغلو البوكس اتوبيس مدرسه لولاد البيه !!!
                 

               ((لا للاستغلال للسلطه))
المشهد الرابع

                                

                               قبل

***باباااااااا انا عاوز ادي صوتي ف الانتخابات

***تديه لمين؟؟

***لفلان مرشح كذا((معارضه))

***يالهوي انت عاوز تروح ف داهيه يابني خلينا جنب الحيط من البيت للكليه ومن الكليه للبيت احنا مش اد الناس دي متحرقش قلب ي عليك



                بعد

***بقولك ايه يابني متعرفش البطاقات الانتخابيه بيعملو ها ازاي؟؟

***ايوا يابابا عارف

***طيب ابقا شوف كده واعملنا انا وامك

***!!!!!!!!!!!
                   ((الايجابيه))

لماذا نشعر بالوحده؟؟

كان من المفترض أني أخلد الآن في نوم عميق الساعه السادسه الا ربع صباحا يوم العشرين من فبراير لعام2011 وجدت فكره ما تدور في رأسي فأحببت أن أدونها ولربما أكون صائبة العنوان غريب بعض الشئ ولكن أعتقد انه لا يقل غرابة من الميعاد الذي أكتب فيه!!!

ولكي لا أطيل لماذا نشعر بالوحدة؟؟

    في رأيي أن الشعور بالوحدة هو فقط ناشئ عن ادماننا لشئ ما ثم فقدانه فجأة بدون أي انذار يعني إدمان شخص كفقدان الصديق الذي عاشرك لمدة تساوي عمرك منذ خرجت من بيتكم متجها للروضه....

فقدان الحبيب الذي كان هو من يشغل يومك إما معه أو تحدثه علي الهاتف أو حديثا علي (الشات) أو تفكر فيه أو تفكر ما إذا كان يفكر فيك أم لا!!!

((وهذا سبب اتجاهك بعد ذلك للبحث عن من يملأ مكانه دون أن تنظر إلي المواصفات))....

     أو شئ كالسهر ليلا علي الانترنت ثم فجأه قطع النت وتقوم الدنيا ولا تقعد ((وبالمناسبة هذا سبب من أسباب ادمان النت)).....

أو مثلا أنك تعودت علي أن تلعب كل يوم لعبه ما علي جهازك أو ان تخرج يوميا للعب الكره فعند تعطل اي منهما تشعر بالوحده وتشعر بطول الوقت وتشعر انه لا يمر بالفعل وليس بطيئا فقط!!!

في هذه الحالات إما أنك كما قلت سابقا تبدأ ف البحث عن شخص اخر يحل محل الشخص الذي فقدته بغض النظر عن نتائج هذا التسرع...أو أنك تلجأ لقضاء اليوم في النوم مثلما أفعل أنا وبعض أصدقائي مثلا....

   إذا نحن وضعنا يدناعلي رأس المشكله هممممممم كيف نحلها اذا؟؟؟؟

   الحل في يدي كل منا لا تجعل حياتك تسير علي روتين تعودك علي شئ ما علي الاقل ؛ لن أكون قاسيه وأقول لا تتعلق بمن حولك لأني صراحه لا استطيع ان افعل ذلك . ولكن الحل الوحيد ان لم تستطع ان تخفف من تعلقك بأي شئ او شخص يدخل حياتك فعلي الأقل خفف من التعلق ببعضها حتي اذا خرج احدها من حياتك لا تجد نفسك مضطرا للنوم طوال اليوم واعمل فالعمل ملهي عن اي شئ في الحياه

انا اسفه ياسيدي الرئيس

بسم الله الرحمن الرحيم نبدا سوا عهد جديد بس اولا قبل مانبدا العهد لا زم اوضح رايي الشخصي في موقف الناس النهاره وموقفي انا كمان والكلام العجيب جدا ال شفته علي النت من بين مؤيد ومعارض...

اولا انا اول رد فعل ليه علي خبر التنحي كان حزن علي السيد رئيسنا السابق مبارك لانه جزء من تاريخي ومكنتش احب ابدا ان دي  تكون نهايته ولكن ابي اعتذر اليك انا اسفه بجد لكن انت كبرت اوي وفي ناس كتير استغلو مرضك ونهشو الغلابه وموتوهم احياءء ومش هقول اي حاجه واقعيه ولا هستشهد عشان مموتش فرحه اخواتي الشباب 

ثانيا انا فرحت اووووووي زيي زي اي مصري طبيعي كان حاسس بالظلم ال احنا عيشنا فيه سنين طويله الظلم مش الاستبداد بس لا الظلم ده يتمثل ف الفساد ليه ادفع فلوس عشان اخد حقي في بلادي ليه ادي رشوه لواحد يذلني واما اتكلم يقولو مفيش ادله ومفيش مستندات!!!

ثالثا حسيت اني مصريه بجد وان دي بلدي صح واني فعلا دلوقتي اقدر اعيش ف بلدي واجادل اي حد يقول انا هطلع من البلد دي انا بزرع ف ارض بور لا البلد بقت بلدنا ومحتاجه ايدينا احنا عشان نزرعها سوا فياريت بقا نبدا سوا ونزرع سوا واصبرو اكيد بكره احلي وانا لسه بقول زي من يوم 25 يناير انا متفائله:)

رابعا للناس ال هتتهمني بعدم الولاء لسيدي الرئيس انا ارفض الاتهام ده ده ولي امري زي ماديني قال وطاعته واجبه وعمري لا جرؤت ولا هجرؤ اني اتكلم عنه باي كلمه سيئه ابدا وفي ناس من بره مصر ومن جوه مصر يشهدو اني كنت ضدهم ف الكلام السئ ال قالوه عن ولي امري وازاي دافعت عنه

خامسا وال كان المفروض اقوله اولا اخواتي الشهداء ال سهرت عيوننا كلنا بكاء عليكو وعلي دمائكو ارقدو في سلام مصر بخير واحنا شايلين امانتنا ونوعدكو مش هنسيب مصر ابدا تغرق

واخيرا اسفه سيدي الرئيس ولكن مصر فوق الاشخاص ومش هضيع 50 مليون غلبان مش لاقي ياكل عشان برستيجك ميتهزش وال يقول انك اتهنت يبقا كداب انت ستظل وتبقا 30 سنه رئيس جمهوريه مصر العربيه يعني اكتر من ربع قرن من تاريخ مصر

حتي العيال!!!!

بعد كل الاحداث العجيبه ال مرينا بيها وال بنمر بيها اسمعو المكالمه دي بين اخويا وصاحبه اخويا البالغ من العمر 6 سنين وبس يعني ف اولي ابتدائي اخويا ده اسمه اياد وصاحبه الانتيم :D:Dعبدالرحمن

**عبدالرحمن: انت شفت المظاهرات؟؟

**اياد: ايوا شفت كمان اخر الاخبار الحزب الوطني ف كل حته

**عبدالرحمن :ياااااااااااه مين ال قالك كده ياعم الحزب الوطني ده ف مصر بس

**اياد: اوف بقا انا قرفان من كل الحاجات دي اقفل السيره دي دلوقتي ياعم 

كل البلد بقت بتتكلم ف السياسه حتي العيال.....ال مكنش يعرف عرف....ال مكنش له راي بقاله...وده اكبر دليل ع ان ال طالعين او ال بيتكلمو شعب مش منظمه ......يعني ناس كانت ساكته وبدات تتكلم..... ناس كانت حست انه  خلاص كل شئ هيفضل ع نفس الحال وانه مفيش امل للتغيير ورجعلهم الامل ده....ناس كانت مكتوم ع نفسها وحست انها خدت نفسها عشان تتكلم......ناس شافت الكبير بيتعاقب عشان الصغيرين اشتكو منه.

يارب تكمل ع خير يابلدي يارب ومصر تفضل بخير

انا مصري مفيش مستحيل:)

مصر الحضاره والحب والخير

صبية سمرة برمش كحيل..

شاب فتي بعقل حلو مش عليل..

شجره وصحرا وخضرا وجبل ف حضن واحد

حوض النيل..

كنيسه وجامع ف شارع واحد

بيفكرونا برب واحد

طول النهار وطول الليل..
احنا ناس بتقول ديما مفيش مستحيل..

بحبك يامصر بحبك يامصر

انا عايزه اتجوز!!!

في ظل الاوضاع الراهنه من العنوسه ال انتشرت ف مصر باسلوب مزهل اسرع من الزياده السكانيه ف الصين مخلي كل بنت عندها 16 سنه سنه بتقول يارب افضل صغيره كده طووول عمري يارب ومكبرش ابدا!!

وفي ظل نظره المجتمع السيئه جدا للبنت مش هقول العانس لا هقول ال ربنا مكتبش الزواج ف رزقها وفي ظل الضغط الكبير ال بتعاني منه البنات دول بردو قرر المخرج رامي امام والمؤلفه غاده عبدالعال اخراج هذه الماساه لينا في صوره مسلسل كوميدي كلنا اتفرجنا عليه اسمه عايزه اتجوز وقامت هند صبري ال نسينا اسمها واصبحت بالنسبه لنا الدكتوره علا وبس بدور العانس المسكينه !!!

المسلسل كان جميل وبيشرح لينا الكثير من الماسي ال بتحصل كل يوم ف البيوت بسبب العنوسه ولكن واحط تحتها مليون خط انا استفزني جدا اسلوب بعض الحلقات يعني مثلا هو كل بنت مش اتجوزت بترمي نفسها ع الرجاله سوري ولكن هو ده ال حصل ف المسلسل فعلا وهل يليق ده بالشخصيه ال ف امكانيات الدكتوره علا انها بنت ناس ومتخرجه من كليه قمه ال هي الصيدله طبعا للي مش عارف ؟؟؟؟؟؟؟؟؟ علي ما أعتقد إنه لايليق بتاتا وبردو لا يتفق مع عاداتنا الشرقية وأعتقد كمان إنه خارج حدود الواقع

مثلا إنها تكلم واحد ف الميكروباص بس عشان شافت إنه متأريف وينفع بالمظهر فقط زوج وهل أي بنت بتشوف واحد ف الشغل يعجبها تحطله جواب وسط ورقه أو حاجاته ده تصرف غير لائق بردو ده اولا

ثانيا بقا هم مخليين شخصيتها جريئة جدا بأسلوب يوصف بأنه متبجح وده شئ استفزني جدا بردو لأنه بناتنا مش كده!!!

نأتي للنقطه الاخيره ليه النظرة السيئة من المجتمع للعوانس؟؟؟ليه العانس منبوذة؟؟ هل العنوسه حرام؟؟هل هي عيب او شئ مشين؟؟هل ذنبها إن الرجاله قربو يخلصو؟؟ولا ذنبها إن نصهم مش لاقي شغل؟؟ولا ذنبها ان نص النص المتبقي بيشتغل شغل يادوب مرتبه يقدر يشتري بيه شقه لو فضل يحوشه كله لمده 160 سنه بس!!!!

نفسي ثقافه المجتمع تتغير ويتغير الأسلوب ده ال ميرضيش ربنا ولا الناس العاقله ارحمونا شويه وانتو يابنات معلش صبرا يعني هم ال اتجوزو خدو ايه غير وجع القلب وخلاص علي راي مدام سندس!!! وربنا يرزقكو بابن الحلال ويبعد عنا شر ال زي المرسي وإن شاء الله معا لنتغلب علي مأساه الدكتوره علا!!!!!!

صار صمتي في حبك صراخ يامصر

كنت أصمت في حبك عندما أري من يسرق حقي وأهان لأنني تكلمت

الآن صرخت في وجهه بقوه حبك يامصر..

كنت أصمت في حبك حين يقال لي أتركها وهاجر

الآن صرخت لا لن أترك أمي لأني أحبك يامصر..

كنت أصمت حين أري الشباب صامتا وأبكي عليك

الآن صرخت مهللا لأن الشباب استيقظ ودافع عنك يامصر..

كنت أصمت حين أري الحزن علي وجه كل أم تائه ولدها في غياهب الرشاوي و(الكوسه)

الآن أصرخ لا تقلقي ياأمي سيعود ولدك أخي لمكانه في مصر..

كنت أصمت حين علمونا أن لا كرامه لنا وأمشي مطأطئ الرأس

الآن أرفعها وأصرخ أحبك يامصر أحبك يامصر...